Қазақстанда отбасы, ана мен бала ерекше қорғауда, бұл Конституцияда бекітілген.

Қазақстан Республикасы Конституциясының 52-бабында: «Отбасы, ана, әке және бала қоғам мен мемлекеттің қорғауында болады. Мемлекет жетім балалар мен ата-анасының қамқорлығынсыз қалған балаларды күтіп-бағуды, тәрбиелеуді және оқытуды қамтамасыз етеді, балаларға арналған қайырымдылық іс-шараларын ынталандырады» делінген. Бұл нені білдіретінін қарастырайық. Отбасын қорғау. Мемлекет пен қоғам бірлесе отырып, еліміздегі әрбір отбасының қорғалуын және қауіпсіз өмір сүруін қамтамасыз етеді. Демек, ата-ана мен бала құқығы қорғалып, отбасы қоғамның ең маңызды бөлігі болып саналады. Ата-анасыз қалған балаларға қолдау көрсету. Егер бала ата-анасынан айырылса немесе олардың қамқорлығынсыз қалса, мемлекет оған қамқорлық жасайды. Оның ішіне осындай балаларды күтіп-бағу, тәрбиелеу және оқыту кіреді. Балалар махаббат пен қауіпсіздікте өсуі керек. Балаларға арналған қайырымдылық. Мемлекет балаларға көмектесетіндерді белсенді түрде қолдайды және ынталандырады. Бұл қайырымдылық жұмысымен айналысатын және қиын өмірлік жағдайдағы балаларға көмектесетін адамдар, компаниялар немесе ұйымдар болуы мүмкін. Қазақстан Республикасы Конституциясының 52-бабында Қазақстанда отбасы мен балалар сенімді қорғауда деп атап көрсетілген. Мемлекет пен қоғам әрбір баланың өзін қауіпсіз сезінуі және жан-жақты дамуына мүмкіндік алуы үшін барлығын жасауда. Еске салайық, биыл әйелдердің құқықтары мен балалардың қауіпсіздігін қорғауға бағытталған маңызды заң қабылданған болатын. Бұл тұрмыстық зорлық-зомбылық саласындағы қылмыстар үшін жазаны айтарлықтай арттырады. Адам құқығы — адамның мүддесін қанағаттандыруға бағытталған, заңмен қорғалатын ең жоғарғы демократиялық құндылық. Сондықтанда әрбір адам өзінің де, басқаның осы құндылығын бағалай білу және оған ешқандай да зиян келтірмеу керек. Адам құқықтары-бұл біз адам болғандықтан ғана иелік ететін құқықтар. Оларды ешбір мемлекет бермейді. Жалпы адам құқықтары азаматтығына, жынысына, ұлттық немесе этникалық тегіне, түсіне, дініне, тіліне немесе кез келген басқа белгілеріне қарамастан әрқайсымыздың ажырамас құқықтарымыз болып табылады. Оларға өмір сүру құқығын қоса алғанда, негізгі құқықтар да, біздің өмірімізді лайықты ететін құқықтар, соның ішінде тамақтану, білім беру, еңбек, денсаулық және бостандық құқығы кіреді.
Jsk ақпараттық агенттігі