Шымкент қаласының прокуроры Грекияда АҚШ-тың Есірткіге қарсы күрес басқармасы мен Грекия Республикасының Азаматтарды қорғау министрлігі ұйымдастырған есірткіге қарсы күрес жөніндегі 38-ші жыл сайынғы халықаралық конференцияға (IDEC) қатысты. Бұл шараның мақсаты — жаһандық қылмыстық есірткі желілерімен күресу үшін серіктестікті кеңейту. 130-дан астам елдің есірткіге қарсы күрес жөніндегі жүздеген жоғары лауазымды шенеуніктері халықаралық ынтымақтастықты арттырудың инновациялық жолдарын талқылады. Шара барысында қала прокуроры АҚШ-тың Таяу Шығыс және Африка бойынша есірткіге қарсы күрес басқармасының аймақтық директоры Джейсон Шумахермен кездесті, сондай-ақ Түркия, Корея, Қырғызстан, Әзірбайжан және Украина елдерінің делегацияларымен есірткі қылмысымен күресте тәжірибе алмасу, өз ара көмек көрсету және озық тәжірибені зерделеу мақсатында кездесулер жүргізілді. Прокуратураның конференцияға қатысуы осы санаттағы қылмыстармен күресуге бағытталған пәрменді шараларды күшейту үшін үлкен маңызы бар. Оның үстіне бүгінде Шымкент қаласының прокуратурасы АҚШ-тың есірткіге қарсы күрес басқармасымен тығыз байланыста жұмыс атқаруда. Атап айтқанда, қылмыстық істер бойынша жедел деректер мен сұрау салуларға жауаптарды жедел алу мүмкін болды, бұл қылмыстың ашылуының өсуіне айтарлықтай әсер етеді. Заңсыз есірткі тасымалы шекараларды білмейді және әр ел үшін ең маңызды мәселе болып қала береді. Тек бірігу арқылы ғана біз есірткі қылмысына қарсы тұра аламыз! Нашақорлық – әлеуметке ортақ проблема, қоғамның дерті. Жер бетінде миллиондаған өмірлерді алып кетіп жатқан бұл ауру әлемдік трагедия, өз ауқымы жағынан дүниежүзілік соғыстармен тең. Әр қоғамның өзiнiң бас ауыртар iрi-iрi мәселесi болады. Қоғам өркендеп адам ой-санасы дамыған сайын оған төнер дерт кесел де ғаламаттай қуаттанып, бой бермес бас асаудай күшейе түсетiн түрi бар. Өкiнiштiсi сол, қарап отырсаңыз осындай ем қонбайтын кеселдi, дерттердi адамдар өздерi ойлап табады. Есірткіні қолданудың және оған кіріптар болудың зардабы сол: одан құтылу мүмкін емес.Нашақорлыққа көбінесе жасөспірімдер шалдығады, алайда осы кезде ересектер арасында да есірткінің тұзағына түсіп қалған адамдар көбейіп келеді. Нашақорлық–жеке тұлғаның толық бұзылуы. Нашақорлықты емдеумен айналысатын мамандар оны «биопсихоәлеуметтік рухани» бұзылыс деп атайды. Яғни есірткіге тәуелді адам бірте-бірте өзін-өзі сыйлауды жоғалтады: өзінің адамгершішік қасиеттерін жояды, психикасы қалыпты болмайды, достарынан, отбасынан айырылады, мамандық ала алмайды және қоршаған адамдарға, өзіне зиян келтіреді. Адам баласын тура жолдан тайдыратын, күллі өмірін тас-талқан ететін нашақорлық дерті халыққа, қоғамға, мемлекетке қауіп төндіретіні сөзсіз. Одан зардап шеккен тағдырлар қаншама! Енді олар өзінің бәз-баяғы өмірлеріне орала ала ма, орала алмай ма.
Jsk ақпараттық агенттігі