ТҮРКІСТАН: ДАРХАН САТЫБАЛДЫ МЕРДІГЕРГЕ СОҢҒЫ МҮМКІНДІК БЕРДІ

Көтере алмайтын шоқпарды беліңе байлама! Осылай деген Түркістан облысының әкімі Дархан Сатыбалды Сарыағаш ауданындағы мектептің күрделі жөндеу жұмысын созбалаңға салған мердігерге қатаң талап қойды. Жаңа оқу жылы жақындағанына қарамастан білім ұясының құрылысын әлі аяқтамаған «Шаңырақ» ЖШС-ң басшысына 1 апта уақыт берді. Өз міндеттемелерін орындай алмаған жағдайда шара қолданылады, іс сотқа беріледі.
— Әліңіз келмей ме, тапсырыңыз. Осыншама уақыт созып, енді сылтаумен тойдырмақсыз.
Сіз 1300 баланы далада қалдырайын деп отырсыз. Мемлекет қаражатын алып, халықты алдап отырсыз. Шамаңыз келмесе неге аласыз?
Біз үшін әр сәт қымбат. Сізге соңғы мүмкіндік беріледі. Бір апта. Атүсті жүріп жұмыс істеген соң сапа да оңбайды. Сапасын бақылау күшейтіледі,-деді Дархан Сатыбалды.