Қазір «Оңтүстік» арнайы экономикалық аймағын 175 га дейін, ал сауда-логистикалық орталығын 136 га дейін кеңейту жұмыстары жүргізілуде. Арнайы экономикалық аймақ (ЕЭА) – басым қызмет түрлерін жүзеге асыру үшін арнайы арнайы құқықтық режимі мен инфрақұрылымы бар Қазақстан Республикасы аумағының бір бөлігі. Қазақстан Республикасының аумағында әртүрлі салалық бағыттар бойынша 13 арнайы экономикалық аймақ бар. Соның бірі , әрі бірегейі осы біздің Шымкенттегі тоқыма және мұнай химиясына бағытталған «Оңтүстік» арнайы экономикалық аймағы. 2005 жылы негізі қаланған аймақтың құрылу мақсаты: республика экономикасының әлемдік экономикалық қатынастар жүйесіне енуін күшейту, жоғары тиімді, оның ішінде жоғары технологиялық және бәсекеге қабілетті өндірістерді құру, өнімнің жаңа түрлерін өндіруді дамыту, инвестиция тарту, нарықтық қатынастардың құқықтық нормаларын, басқару мен басқарудың заманауи әдістерін, сондай-ақ әлеуметтік мәселелерді шешуді енгізу; Қазақстан Республикасының мақта өңдеу өнеркәсібі, тоқыма және тігін өнеркәсібі кәсіпорындарын дамыту; тоқыма өнеркәсібін дамыту; тоқыма бұйымдарын өндіру үшін әлемдік брендтердің өндірушілерін тарту; жоғары технологиялық өндірістерді құру, тоқыма бұйымдарының сапасын арттыру және ассортиментін кеңейту; химия және мұнай-химия өнеркәсібін дамыту. Сондай-ақ, бүгінде «Тассай» индустриялық аймағында 24 жоба іске қосылып, онда 1,8 мыңнан астам жұмыс орындары ашылды. Жалпы аймақ іске қосылғалы мұндағы кәсіпорындардан бюджетке 8,2 млрд. теңге салық төленген. Бизнес өкілдерімен кездесіп, өзекті мәселелерін тыңдаған М.Дүйсенбекұлы туындаған проблемалардың оңтайлы шешу жолдарын қарастырды. «Аймақты инженерлік-инфрақұрылыммен қамту жұмыстарының екінші кезеңін жыл соңына дейін аяқтау қажет. Оған дейін кәсіпорындардың уақытша электр қуатымен қамтылуын ұйымдастырыңыздар. Инвесторларға берілген жер телімдерінің тиімді пайдаланылуын қадағалауға алыңыздар» — деді қала әкімі. Жыл соңына дейін мұнда 7 жобаны жүзеге асыру жоспарлануда. Жобалар 200 адамды жұмыспен қамтуға қауқарлы. Қала әкімі жауаптыларға кәсіпорындардың қуаттылығына сай жұмыс істеуіне барынша қолайлы жағдай жасап, абаттандыру, көріктендіру жұмыстарын бақылауға алуды тапсырды.
Jsk ақпарат