Бұл туралы Қаратау ауданының әкімі Рахымберды Мүлкеманов брифинг барысында мәлімдеді. 2023 жылы Шымкент қаласы Қаратау ауданында жалпы ұзындығы 50 шақырымды құрайтын 71 көшеге асфальт жабындысын төсеу жоспарланған. Бұл туралы Қаратау ауданының әкімі Рахымберды Мүлкеманов брифинг барысында мәлімдеді. Сонымен қатар, 33 шақырымды құрайтын 41 көшеге шағал тас төсеу жұмыстары жүргізілетін болады. Жалпы 2023-2025 жылдар аралығында 441,2 шақырымды құрайтын 466 көшеге асфальт төсеу жұмыстары жүргізіледі. Бүгінде Қаратау ауданы аумағында жалпы ұзындығы – 631 шақырымды құрайтын 595 көше бар. Оның 364 шақырымын асфальт жол, 233 шақырымын тас жол және 33 шақырымын топырақ жол құрайды. Одан бөлек, 2023 жылы Қаратау ауданы аумағына қарасты, Сайрам және Қызылсу елді мекендерін сапалы ауыз сумен қамту жұмыстары атқарылуда. Құрылыс жұмыстарының аяқталуына орай, аудан аумағындағы барлық елді мекендер сапалы ауыз сумен 100% қамтылады. Сондай-ақ, биылғы жылы Бозарық саяжайының жаңақұрылыс аумағындағы 1200 абонентті электр жарығымен қамту жұмыстары атқарылатын болады. Биыл Тұран шағын ауданын табиғи газбен қамту бойынша құрылыс жұмыстары аяқталып абоненттеу жұмыстары жүргізілуде. Тассай тұрғын алабы, Нұртас шағын ауданы құрылыс жұмыстары жыл соңына дейін аяқталады. Елді мекендерді табиғи газбен қамту көрсеткіші — 96% құрайды. 2025 жылға дейін табиғи газбен қамту көрсеткішін 100%-ға жеткізу жоспарлануда. Бұдан бөлек, Қаратау ауданы аумағында су басу және көлдеу қаупі бар 30 мекенжай анықталып, 2022 жылы ұзындығы 13,7 шақырымды құрайтын 22 орынға ирригациялық жүйелер салу жұмыстары атқарылды. Ал,2023 жылы 17 орынға ирригациялық арық жүйелерін салу мақсатында мемлекеттік сатып алу конкурсы өтуде. Мердігер мекеме анықталуына орай, құрылыс жұмыстары атқарылатын болады. Еске сала кетейік, Қаратау ауданындағы халық саны бүгінде 213 мыңнан асады. 18 елдімекенде 494 көпқабатты тұрғын үй, 29 762 жеке секторлы үй, 595 көше бар. Шымкентті инфрақұрылыммен қамтамасыз ету – уақыт талабы. Республикалық мәртебеге ие болғанына 5 жыл толған еліміздің үшінші мегаполисінде түрлі салаларда атқарылған жұмыстар еселене түсті. Бұрынғы топырақ жолдарға асфальт төселіп, көше бойлары мен аулалар абаттанып, жылдан жылға көпқабатты зәулім үйлер көбейді. Бәрінен де қаладан жырақтағы ағайынның қала орталығына жетуі жеңілдеді. Шалғайдағы елді мекендерге инфрақұрылым жүйелері тартылып, шырайы кірді. Ауыз су, электр жарығы және көгілдір отынмен қамту ісінде де ауыз толтырып айтар жетістік көп. Бүгінде елді мекендердің жаңақұрлысы аумақтарына инфрақұрылым тарту жұмысы қызу жүріп жатыр
Jsk ақпарат