Бүгінде Төлеби ауданында балық өсіруді қолға алған кәсіпкерлердің саны артып келеді. Соның бірі жеке кәсіпкер Нұрлыхан Әшірбеков. Ол басқарып отырған «Шымкент Балық» ЖШС-і жылына 300 тонна балық өндіруді жоспарлап отыр. Серіктестіктің жұмысымен аудан әкімі Төлеген Телғараев арнайы барып танысты.
Кәсіпкер 3 гектар аумаққа 7 арнайы бассейн салған. Онда балықтың форель түрінің 3 000 данасын өсіріп жатыр. Жалпы аудан аумағында балық шаруашылығымен 14 кәсіпкер айналысады. Шаруашылықтар негізінен балықтың бекіре, форель, сазан, дөңмаңдай, ақ амур түрлерін өсірумен айналысады.