Қазақстанда азаматтық қорғау жүйесі қызметкерлері кәсіби мерекесінің белгіленгеніне биыл – 29 жыл. 1995 жылы 19 қазан – Құтқарушы күні болып бекітілген болатын. Содан бергі ширек ғасырда Шымкент қаласының құтқарушылар да талай жанға қиын сәтте көмек қолын созып, абыройлы еңбек етіп келеді. Әрине, дабыл соғылғанда күн демей, түн демей басын қатерге тігіп, тілсіз жауға, түрлі қиын жағдайға қарсы аттанып бара жататын құтқарушы топтың әр мүшесі туралы жеке мақала жазса да артық етпейді. Біз төменде батырлардың бірі құтқарушы қайсар жанды таныстырмақпыз. Шымкент қаласы ТЖД №1 МӨСБ-нің бөлімше командирі азаматтық қорғау аға прапорщигі Ескараев Ермахан Сейтканович азаматтық қорғау органында 2005 жылдан бастап қызмет атқарып келеді. Қызмет еткен жылдар арасында өрт сөндірушіден бастап, қазіргі таңда бөлімше командирі лауазымында жұмыс жасайды. Қызмет жолында 1300 аса өрттерді сөндіруге қатысқан. Солардың ішінде жоғарғы өрт рангі бойынша Бекжан және Самал базарларында, Арыс қаласында оқ дәрі қоймасы жарылысында, НПЗ ойыл қоймасындағы өртте, Елтайда су тасқынының салдарын жоюда өзінің кәсібилігін дәлелдеді. Қазіргі таңда жас қызметкерлерге өз тәжірибесін бөлісіп, өрт сөндіру саласындағы өрт техникалық жарақтарды үйретіп, өртті сөндіру тәсілдерін машықтандырып көрсетуге үлес қосып келеді. Оны әріптестері және жас қызметкерлер үлгі тұтар азамат деп мақтанышпен айтады. Қызметінде үнемі мақтау естіп жүрсе де Ермахан Сейтканович өзін салмақты ұстайды. Жан-жақты қабілетті, адамгершілігі мол жанды әріптестері де ерекше құрмет тұтады. Азаматтық қорғаныс шараларын кешендi түрде және саралап жүргiзу мақсатында Қазақстан Республикасының Үкiметi белгiлейтiн тәртiппен азаматтық қорғаныс бойынша қалаларды топтарға, ал ұйымдарды санаттарға жатқызу маңыздылық дәрежесiне қарай жүзеге асырылады. Азаматтық қорғаныс шараларын ұйымдастыру мен жүзеге асыруға Қазақстан Республикасының орталық, жергiлiктi атқарушы органдарының және ұйымдардың басшылары жауапты болады. Орталық және жергiлiктi атқарушы органдар, ұйымдар Қазақстан Республикасының Үкiметi белгiлейтiн тәртiппен Азаматтық қорғаныс шараларының орындалуы туралы жыл сайын есеп берiп отырады. Ғарыш кеңістігін пайдалану, химиялық және ядролық қаруды жою, оқ-дәрілерді пайдалану және кәдеге жарату кезіндегі қауіпсіздікті, еңбекті қорғау, экологиялық қауіпсіздік саласындағы автомобиль және темір жолдар бойынша қозғалыс қауіпсіздігін, ішкі су көлігі қозғалысының қауіпсіздігін, энергия және энергия үнемдеу объектілерінің қауіпсіздігін, су қорын пайдалану және қорғау, сумен жабдықтау және су бұру саласындағы әуе көлігінің ұшу қауіпсіздігін құқықтық реттеу Қазақстан Республикасының арнайы заңнамасымен жүзеге асырылады.
Jsk ақпараттық агенттігі