Шымкент қаласында орналасқан Ұлттық ұланның 6698 әскери бөлімінде 10-қаңтар Ұлттық ұланның құрылған күніне арналған салтанатты шараға Қазақстан Республикасы Ұлттық құрамасының мүшесі, халықаралық және ұлттық турнирлердің бірнеше дүркін жеңімпазы, 2021 жылғы әлем чемпионатының күміс жүлдегері, 2022 жылғы Азия чемпионатының күміс жүлдегері, 2023 жылы әлем чемпионы — қазақстандық боксшы – Махмұд Айдарханұлы Сабырхан және Қазақстандық файтер, ережесіз, аралас жекпе-жек және спорт шебері Қаршыға Дәуітбек қатысты. Мерекелік концерттен соң жауынгерлермен кездескен еліміздің мақтаныштары жауынгерлерімізді бүгінгі Ұлттық ұланның құрылған күні мерекесімен құттықтады. Жауынгерлерімізбен кездесу барысында чемпиондар жеңіске жету жолындағы қажырлы еңбек, батылдық туралы патриоттық рух пен мақтаныш сыйлайтын әдемі әңгімелерімен бөлісті.Әскери қызметшілердің ел қорғауда ісіндегі атқарып жатқан абыройлы қызметтері үшін үлкен алғыс білдірді.
Кездесу соңында әскери бөлім басшылығы көк туымызды әлемдік аренада көтеріп, еліміздің мәртебесін арттырып жүрген батырларымызғақұрмет көрсетіп, арнайы сыйлықтар табыстады.
«Оңтүстік» ақпарат