Шымкентте «Қызыл орамалды шынарым» лирикалық драмасы қойыладв

Жұмат Шанин атындағы академиялық қазақ драма театрында 30-31 қаңтар, 1-ақпан күндері елімізге танымал кинодраматург Талғат Теменовтің режиссерлігімен қырғыздың жауһар жазушысы Шыңғыс Айтматовтың «Қызыл орамалды шынарым» лирикалық драмасы өтеді.
«Қызыл орамалды шынарым» лирикалық драмасы махаббаты үшін ата-анасын тастап, сүйіктісінің етегінен ұстаған ақ жүректі Әселдің кіршіксіз сезімін аяққа таптаған Ілиястың өмір бойғы өкінішін баяндайды. Адам ессіз болып туады, есалаң өмір кешеді. Есі кіргенде… кеш болады. Өмір солай. Ойланбай басқан қадамы үшін кейде адам өмір бойы азапқа душар болады. Адамдар қолындағы бақытты қадірлемей неге бөгденің жетегіне ергенді таңдайды? Міне, осы сұрақтардың төңірегінде ойға бөлейді.