Самал-3 шағын ауданында 63 көшенің қазір 30-ы асфальтталған. Биыл Шымкент қаласы Самал-3 шағын ауданындағы 13 көшеге асфальт төселеді. Бұл жөнінде Шымкент қаласы әкімінің баспасөз қызметі мәлім етті.Шымкент қалалық Абай ауданына қарасты Самал-3 шағын ауданында бүгінде 27 мыңнан аса халық тұрады. Шағын аудан аумағында 6 801 жеке секторлы үй, 2 мектеп, 3 балабақша және 3 спорт алаңшасы орналасқан. Самал-3 шағын ауданында 63 көшенің қазір 30-ы асфальтталған, 30-ына шағал тас төселген болса, үшеуі топырақ жол. 2025 жылға қарай шағын аудандағы асфальт төселген көшелер санын 100 пайызға жеткізу көзделуде. Мәселен, өткен 2022 жылы Б.Момышұлы көшесінің жалғасы 1,2,3,4, Құрманғазы, Қайсенов, Өскенбай, Ерубаев, Аманжолов, Баршын көшелері жөнделген. Биыл 13 көше жөнделеді деп күтілуде, сондықтан көрсеткіш 49 пайызды қамтиды. Ал, 2024 жылы 8 көше, 2025 жылы 12 көше жөнделсе, асфальтталу жұмыстары 100 пайызға қамтылған болып саналады. Сонымен қатар, биылғы жылы Яссауи көшесі жарықтандырылады. Сондай-ақ, 2024 жылы Сыздықов, Б.Момышұлы көшелері, 2025 жылы Б.Әлменов, Б.Саттарханов, Ж.Серікбаев, Ә.Тәжібаев көшесі жарықтандырылмақ. Жалпы Самал-3 шағын ауданы 100 пайыз ауыз су, электр жарығы, табиғи газбен, талшықты интернетпен қамтылған. Төменде 2023 жылы Самал-3 шағын ауданында жөнделетін көшелер тізімі: 1.Ұлы дала көшесі; 2. Юсупов көшесі; 3.Алпамыс көшесі; 4. Ерназаров көшесі; 5. Манас көшесі; 6. Алмалы бақ көшесі; 7. Қазақ ордасы көшесі; 8. Мәңгілік ел көшесі; 7. Тыңдала көшесі; 8. Қобыланды көшесі; 9. Самал жел көшесі; 10. Құс жолы көшесі; 11. Бесқарағай көшесі; 12. Келес көшесі көшесі; 13. Тамшыбұлақ көшесі. Айта кетейік, Шымкент қаласы Ақниет шағын ауданында 5 көше жөндеуден өтеді. Қазір Ақниет шағын ауданындағы 21 көшенің 16-ы асфальтталған болса, 5 көшеге шағал тас төселген. Аталған шағын аудан көшелерін 2024 жылға дейін толық 100 пайыз жөндеу жұмыстарын жүргізу жоспарлануда. Мәселен, келесі жылы Ақеділ, Наркескен, Ақкөгершін, Сарқырама көшелері және атауы жоқ 1 көшені асфальтталады деп жоспарланған. Жылдан жылға Шымкент халқының саны артуынан шағынаудандар жанынан жаңақұрылыс аумақтары ашылып, ол жерге инжинерлік-инфрақұрылым жүйесін тарту мәселесі туындайды. Басқарма осы мәселе төңірегінде 2023-2024 жылдарға арналған жоспар түзіп, 380,8 млн теңгелік 9 нысанға жобалау-сметалық құжат әзірлеу үстінде. Өткен жылы қала бюджетінен 58 млн қаржы бөлініп, оған бір нысанда, яғни, Сайрам шағынауданында үш кезек негізінде ауыз су тарту құрылысы жүргізілді. Биылғы жыл үшін 7 нысан, атап айтқанда Құрсайдың жаңақұрылыс аумағына электр мен газ, Гидрогеолог шағынауданына ауыз су, электр және табиғи газ, Жұлдыз бен Жалын елді мекені , Қаратөбе, Қарабастау, Еламан және Тәуелсіздікке 20 жыл шағынаудандарының жаңақұрылыс аумақтарына табиғи газ құрылысына 191,5 млн теңге қаржы қаралып, бүгінде құрылысы жұмысы жүргізіліп жатыр.
Jsk ақпарат