Шымкент қаласы Ақпарттық-коммуникациялық орталығының брифинг алаңында Шымкент қаласының білім басқармасы жалпы орта білім беруді және тәрбие жұмыстарын дамыту, қосымша білім беру бөлімінің басшысы Г.Дәрібаева биылғы жылғы Ұлттық бірыңғай тестілеуге енгізілген өзгерістер мен толықтырулар бойынша баспасөз брифингін берді.
«Оқуға түсуші ҰБТ қатысушыларының деректер базасына тіркелу үшін өтінішті 2022 жылғы 28 сәуір мен 14 мамыр күндері аралығында онлайн түрде Орталықтың https://app.testcenter.kz/ сайты арқылы бере алады.
Осы аралықта тестілеуге 2 (екі) рет өтініш беруге мүмкіндік беріледі. Сонымен қатар, 16 мамыр мен 5 шілде күндері аралығында білім беру гранттарын тағайындау конкурсына қатысуға мүмкіндік беретін тегін тестілеуді 2 рет тапсыруға 8 мыңға жуық талапкер қатысады деп күтілуде»,-деді спикер.
2021-2022 оқу жылында 11-сыныпта жалпы 11 189 оқушы білім алуда.
Оның ішінде, 7 621 оқушы қазақ тілінде,
2 089 оқушы орыс тілінде білім алып жатқан болса, 1 489 оқушы өзбек тілінде орта білім алуда.
Биыл ҰБТ Қазақстан Республикасы Білім және ғылым мнистрінің 2017 жылғы 2 мамырдағы №204 бұйрығымен бекітілген Ұлттық бірыңғай тестілеуді өткізу және «Ұлттық бірыңғай тестілеу тапсырғаны туралы сертификат беру» мемлекеттік көрсетілетін қызмет қағидаларына сәйкес,
16 мамыр мен 5 шілде аралығында өтеді.
Тестке:
1) орта білім беру ұйымдарының ағымдағы жылғы бітірушілері;
2) орта білім беру ұйымдарының өткен жылғы бітірушілері мен
техникалық және кәсіптік немесе орта білімнен кейінгі білім беру
ұйымдарының бітірушілері;
3) жоғары білімнің қысқартылған оқыту мерзімдерін көздейтін білім беру
бағдарламалары бойынша оқуға түсетін техникалық және кәсіптік немесе орта
білімнен кейінгі білім беру ұйымдарының бітірушілері;
4) шетелде білім алған орта білім беру ұйымдарының бітірушілері меншетелде білім алған, Қазақстан Республикасының азаматы болып табылмайтын,ұлты қазақ адамдар;
5) жоғары және (немесе) жоғары оқу орнынан кейінгі білім беруұйымдарына (бұдан әрі — ЖЖОКБҰ) күндізгі оқу бөліміне ақылы негізде қабылдау үшін ҰБТ нәтижесі бойынша шекті балл алмаған, ҰБТ нәтижелері жойылған, бейінді пәндер комбинациясы сәйкес келмейтін ҰБТ нәтижелері бар тұлғалар, күнтізбелік жылы ақылы негізде одан әрі қабылдау үшін қатыса алады.
Шымкент қаласындағы барлық 3 «U-Study» аймақтық тестілеу орталығында барлық санитарлық талаптар сақталған.
Өтініштерді қабылдау туралы ұйымдастыру сұрақтары бойынша келесі телефондарға хабарласуға болады:
8-(7172)-695292, 695280, 695096, 695287.
Jsk ақпарат