Бұл бағытта әсіресе үлкен жұмыс бүгінде байқалады. Тұрғын үй алаптары мен шағын аудандарда асфальт төселіп, газ, су және жарық өткізіліп, көшелер жарықтандырылады. Нұртас елді мекені сапасыз электр энергиясы бар үшінші мегаполистің 8 елді мекенінің қатарына кіреді. Шағын ауданды сапалы электрмен жабдықтау өткен жылы басталды. Құрылыс жұмыстарының шамамен 40 пайызы аяқталды. Құрылыс барысында 600-ден астам электр бағаналары орнатылып, 2 шақырым электр беру желілері салынды. Жоспарға сәйкес құрылыс жыл соңына дейін аяқталады. Содан кейін «Оңтүстік Жарықтранзит» ЖШС тарапынан халықты абоненттеу жүргізіледі. Нәтижесінде 653 абоненттің үйлерінде сапалы және үздіксіз электр энергиясы пайда болады. Сонымен қатар, шағын ауданды газбен жабдықтау жұмыстары жүргізілуде. Бүгінгі таңда жұмыстардың 85% — дан астамы аяқталды, 15,7 км газ құбырлары орнатылды. Газ құбырын төсеу жұмыстары жыл соңына дейін аяқталып, пайдалануға беріледі. Сондай-ақ, ағымдағы жылы Тасанбаев және Тәңірі хан көшелері жарықтандырылады. Естеріңізге сала кетейік, өткен жылы Қаратау ауданының Жаңақұрылыс аумағында орналасқан Нұртас шағын ауданының инфрақұрылымын қамтамасыз ету үшін де белгілі бір жұмыстар жүргізілген болатын. Бұл жұмыс Мемлекет басшысының халықтың тұруы үшін қолайлы және жайлы жағдай жасау жөніндегі тапсырмасы негізінде жүзеге асырылады. Нәтижесінде бүгін Нұртас шағын ауданының тұрғындары сапалы ауыз сумен қамтамасыз етілді. Бұл шағын ауданда жалпы ұзындығы 40,8 км су құбыры орнатылып, халыққа кезең-кезеңімен су беру жұмыстары жүргізілуде. Айта кетейік, 2011 жылы 9,8 млрд теңгеге сапалы электрмен жабдықтау мәселесін шешу үшін 19 нысанның құрылысы жүргізілді. Нәтижесінде қамту деңгейі 95 пайыздан 97 пайызға дейін артады. Халықты сапалы электрмен жабдықтау мәселесі 2025 жылы толығымен шешілетін болады. 33 елді мекен ішінара газбен қамтамасыз етілген, қуаты жеткіліксіз. Ағымдағы жылы газбен жабдықтауға 5,9 млрд теңге бөлінді, 18 нысанның құрылысы жүргізілуде. Осының есебінен газдандырылмаған елді мекендерге газ тарату мүмкіндігі пайда болады. Келесі жылдың басында № 3 автоматтандырылған газ тарату жүйесі пайдалануға беріледі. Қаланы газдандыру мәселесі 2025 жылы толығымен шешілетін болады. Келесі мәселе — түнгі жарықтандыру. Қаланың 747 әлеуметтік маңызы бар көшелерінің 220-сы жарықтандырылған. Биыл мемлекеттік-жекешелік әріптестік аясында 71 көшеде құрылыс жұмыстары аяқталды. Нәтижесінде жарық деңгейі 29-дан 43 пайызға дейін жетеді. 2025 жылы 75% — ға дейін жеткізу жоспарлануда.
Jsk ақпарат орталығы