Жыл сайын өтетін Халықаралық IGeO-2024 олимпиадасында Шымкент қаласындағы химия-биология бағытындағы Назарбаев Зияткерлік мектебінің 12-сынып оқушылары Арсен Сыдыков пен Қанат Серікбай топ жарды.
Биыл Олимпиада Ирландия мемлекетінің Дублин қаласында өтті. Әлемнің 50 елінен келген 200-ге жуық қатысушылардың арасынан зияткерлер олжалы оралды.
Байқау нәтижесінде NIS оқушылары қола медаль иегерлері атанды.
Еске сала кетсек, жақында Сербияның Капаоник қаласында өткен географиядан Х Еуропалық олимпиадада Арсен Сыдықов алтын, ал Қанат Серікбай күміс медальдарға ие болған.Сондай-ақ зияткерлер басқа да беделді халықаралық және республикалық олимпиадаларда үздік нәтиже көрсетіп жүр.